ટિક્ટોક ગર્લ કીર્તિ પટેલનો એક વીડિયો ફરી એકવાર ચર્ચાનો વિષય બન્યો છે. આ વાઈરલ વીડિયોમા કીર્તિ પટેલ જૂનાગઢના ભેંસાણ પોલીસ વાત કરી રહી હતી. આ બોલચાલી દરમિયાન કીર્તિ પટેલે આમ આદમી પાર્ટીના વિસાવદરના ધારાસભ્ય ભૂપત ભાયાણી અને તેના ભત્રીજા જમન ભાયાણી સામે ગંભીર આરોપ લગાવતા કહ્યુ કે ‘આજે છોકરીની ઈજ્જત નીકળે ને તો કોઈ સામું ન જોવે’. ‘આપના ચૂંટાયેલા ધારાસભ્ય ભુપત ભાયાણીના કહેવાથી આ બંદોબસ્ત રાખવામાં આવ્યો છે.
આગળ વાત કરતા કીર્તિ પટેલે કહ્યું કે ‘મને મારો ન્યાય જોઈએ અને મને મારી ઈજ્જત પાછી જોઈએ. આ રીતે તમે મને રોકી ના શકો. અમે કોઈ ગુનેગાર છીએ? અમે કોઈ આતંકવાદી છીએ? તો આ બંદોબસ્ત કેમ? તમે પણ ચાલો મારી જોડે તેના ઘરે. મારે તેને હાથ પણ નથી અડાડવો. મારે ખાલી મારા સવાલોના જવાબો જોઈએ છે.
આ સાથે કીર્તિ પટેલે પોલીસને સ્પષ્ટ ચીમકી આપતા કહ્યુ કે જો મને ન્યાય નહીં મળે તો હું અહીં જ દવા પી લઈશ અને મરી જઈશ.
આ સાથે તેણે કહ્યુ કે ભુપત ભાયાણી, જમન ભાયાણી અને ભેંસાણની પોલીસ જવાબદાર રહેશે. હું કમસથી કહું છું કે આજે મને ન્યાય નહીં મળે, જવાબ નહીં મળે તો હું મરી જઈશ.
આ સાથે કીર્તિ પટેલે પોતાના અંગત જીવન માટે પણ આ લોકોને જવાબદાર ગણાવતા ખ્યુ કે મારા પિતાએ મને કાઢી મૂકી છે, મારી સગાઈ તૂટી ગઈ છે આવા લોકોના કારણે જ થયુ છે
