પંજાબની જેલમાં બંધ નાઇજિરિયન શખ્સે આ ડ્રગ્સ મંગાવ્યું હોવાનું પ્રાથમિક તપાસમાં ખુલાસો થયો છે. જેના પગલે ગુજરાતમાંથી ફરી ડ્રગ્સ સાથે કુલ 6 પાકિસ્તાની શખ્સોની ધરપકડ કરાઈ છે. ગુજરાત એટીએસ અને કોસ્ટગાર્ડે સંયુક્ત ઓપરેશનમાં વધુ એક વખત ડ્રગ્સનો મોટો જથ્થો ઝડપી પાડ્યો છે.
પેકેટમાં હતો માલ: ઇન્ડિયન કોસ્ટગાર્ડ અને ગુજરાત ATS દ્વારા આ ઓપરેશન હાથ ધરવામાં આવ્યું છે. IMBL પાસેથી ડ્રગ્સનો મોટો જથ્થો ઝડપી લેવામાં આવ્યો છે. 200 કરોડથી વધુના ડ્રગ્સ સાથે 6 પાકિસ્તાની શખ્સો પકડાયા છે. ગુજરાતની દરિયાઈ સીમાની અંદર કેટલાક નોટિકલ માઇલ્સ પાકિસ્તાનની મરીન સીમામાં જઈને ઓપરેશન હાથ ધરવામાં આવ્યુ હતું. આ ઓપરેશમાં કુલ છ પાકિસ્તાની શખ્સોની ધરપકડ કરાઈ છે. તેમની પાસેથી એક બોટ પણ કબજે કરાઈ છે. તમામ પાસેથી કુલ 40 હેરોઇનના પેકેટ મળી આવ્યા છે.
