હોસ્પિટલ ચોક બ્રિજ માટે 19 જુલાઈ તારીખ અપાઈ હતી અને ત્યાં સુધીમાં ફરજિયાત કામ પૂરું કરાવી જ લેવાશે અને લોકાર્પણ કરવાની પણ વાતો થઈ હતી. પણ તારીખ વીતી ગયાને એક મહિનો થયા છતાં બ્રિજ ચાલુ નથી થયો એટલે હવે ફરી બેઠક બોલાવીને એજન્સીને 19-9 તારીખ આપવામાં આવી છે. આ તારીખ પછી હવે કોઇ તારીખ નહીં અપાય તેવું ફરી બોલ્યા છે.
રાજકોટ શહેરમાં બ્રિજના ચાલતા કામોથી લોકો ત્રસ્ત થઈ ગયા છે. હવે સમયસર જ કામ પૂરા થશે તેમ કહી મુદ્દત વધારો આપીને બણગાં ફૂંકનારા સત્તાધીશો સમય આવતા જ કોન્ટ્રાક્ટરને શરણે થયા છે અને ફરી એક વખત નવી તારીખ આપવા માટે સમીક્ષા બેઠકમાં નિર્ણય લેવાયો છે. આ ઉપરાંત પેનલ્ટી ન થાય તે માટે કાગળ પર મુદ્દત વધારો પણ હવે મંજૂર કરાશે તેવી પૂરી શક્યતા છે.
