બોમ્બે સ્ટોક એક્સચેન્જમાં લિસ્ટેડ ટોચની 10 કંપનીઓમાંથી 3ની માર્કેટ મૂડીમાં ગયા સપ્તાહે રૂ. 73,630.56 કરોડનો ઘટાડો થયો હતો. રિલાયન્સ ઇન્ડસ્ટ્રીઝ લિમિટેડ (RIL)ને સૌથી વધુ નુકસાન થયું છે. હિન્દુસ્તાન યુનિલિવર લિમિટેડ (HUL) બીજા નંબરે અને ICICI બેંક ત્રીજા નંબરે છે. વધતી જતી કંપનીઓ વિશે વાત કરીએ તો, તેમાં TCS, HDFC બેન્ક, Infosys, LIC, SBI, HDFC અને ભારતી એરટેલ છે.
રિલાયન્સના હાલ: રિલાયન્સ ઇન્ડસ્ટ્રીઝનું માર્કેટ કેપિટલાઇઝેશન રૂ. 62,100.95 કરોડ ઘટીને રૂ. 16,29,684.50 કરોડ થયું હતું. ICICI બેન્કનું મૂલ્યાંકન રૂ. 6,654.2 કરોડ ઘટીને રૂ. 4,89,700.16 કરોડ અને હિન્દુસ્તાન યુનિલિવર લિમિટેડનું મૂલ્ય રૂ. 4,875.41 કરોડ ઘટીને રૂ. 5,36,364.69 કરોડ થયું હતું. ગયા અઠવાડિયે, સેન્સેક્સ 179.95 પોઈન્ટ્સ અથવા 0.34% વધ્યો હતો, જ્યારે નિફ્ટી 52.80 પોઈન્ટ્સ અથવા 0.33 ટકા વધ્યો હતો.
માર્કેટ: લાભકર્તાઓમાં, ઇન્ફોસિસનું માર્કેટ કેપિટલાઇઝેશન રૂ. 15,172.88 કરોડ વધીને રૂ. 6,21,907.38 કરોડ થયું હતું. સ્ટેટ બેન્ક ઓફ ઈન્ડિયાનું માર્કેટકેપ રૂ. 11,200.38 કરોડ વધીને રૂ. 4,16,690.11 કરોડ, LICનું રૂ. 9,519.12 કરોડ વધીને રૂ. 4,28,044.22 કરોડ અને TCSનું રૂ. 8,489 કરોડ વધીને રૂ. 12,13,396.32 કરોડ થયું છે. HDFCનું માર્કેટ કેપ રૂ. 3,924.46 કરોડ વધીને રૂ. 4,01,114.96 કરોડ થયું હતું.
7 કંપનીઓ: ભારતી એરટેલનું માર્કેટકેપ રૂ. 1,043.49 કરોડ વધીને રૂ. 3,69,833.12 કરોડ અને HDFC બેન્કનું માર્કેટકેપ રૂ. 91.72 કરોડ વધીને રૂ. 7,51,892.03 કરોડ થયું હતું. આ 7 કંપનીઓના કુલ માર્કેટ કેપમાં રૂ. 49,441.05 કરોડનો વધારો થયો છે. અહીં નોંધનીય બાબત એ છે કે 7 કંપનીઓનો નફો 3 કંપનીઓના નુકસાન કરતાં ઘણો ઓછો હતો.
