આયરલેન્ડ સામે ટીમ ઇન્ડિયા ટોપ ઓર્ડરમાં હાર્દિક ઘણા યુવા ખેલાડીઓને તક આપી શકે છે. ભારતીય ક્રિકેટ ટીમ આયરલેન્ડ સામે બે મેચની ટી-20 સીરિઝ રમશે. આ સીરીઝ માટે કેપ્ટન તરીકે હાર્દિક પંડ્યાની પસંદગી કરાઇ છે.
ઓપનિંગ જોડી: ઇશાન કિશન અને ઋતુરાજ ગાયકવાડ ઓપનિંગ કરી શકે છે. બંન્ને ખેલાડીઓએ તાજેતરમાં જ દક્ષિણ આફ્રિકા સામેની ટી20 શ્રેણીમાં પણ ઓપનિંગ કર્યું હતું. સાથે જ રાહુલ ત્રિપાઠી ત્રીજા નંબરે બેટિંગમાં ઉતરી શકે છે. રાહુલ ત્રિપાઠીની પ્રથમવાર ટીમ ઇન્ડિયામાં પસંદગી કરવામાં આવી છે.
દીપકને ચાન્સ: હાર્દિક પંડ્યા બેટિંગ ઓર્ડરને મજબૂત કરશે. આ સિવાય સૂર્યકુમાર યાદવ અને દિનેશ કાર્તિકને પણ પ્લેઇંગ ઇલેવનમાં સામેલ કરવામાં આવી શકે છે. કાર્તિકે હાલમાં જ ટીમ ઈન્ડિયામાં શાનદાર વાપસી કરી છે. આ સિવાય દીપક હુડ્ડા પ્લેઇંગ 11માં પણ જોવા મળી શકે છે.
બોલર: ભૂવનેશ્વર કુમાર, યુઝવેન્દ્ર ચહલને સ્થાન મળી શકે છે. તે સિવાય ઉમરાન મલિક પ્રથમ વખત ટીમ ઈન્ડિયા તરફથી રમતો જોવા મળી શકે છે. આ સિવાય અન્ય બોલર માટે અર્શદીપ સિંહ અને હર્ષલ પટેલ વચ્ચે જંગ જામશે.
