માળિયા તાલુકાના તરઘરી ગામથી નાના દહીસરા ગામને જોડતા ગાડા માર્ગને લાંબા સમયથી ડામર રોડની વર્ષો જુની માંગણી હતી આ રોડથી નવલખી પોર્ટમાં કામ કરતા શ્રમિકોને ધંધા વ્યવસાયમાં જવા આશીર્વાદ રૂપ બની શકે છે.

હાલ ગામ લોકોની માંગણીના આધારે રોડનું કામ મંજુર થઇ ગયું છે. પણ જોબ નંબર ન મળતા કામગીરી શરુ થઇ શકી નથી. રોડના કામ શરુ થવાથી માત્ર તરઘરી જ નહી પણ ચચાવદરડા,નાના ભેલા મોટા ભેલા સરવડ સહિતના ગામથી નવલખી તરફ જવા આશીર્વાદ રૂપ બનશે જેથી આ બાબતે તરઘરી ગામના સરપંચ સાગરભાઈ ફૂલતરીયાએ મંત્રી બ્રિજેશ મેરજાને લેખિત અને રૂબરૂ રજૂઆત કરી વહેલી તકે જોબ નંબર આપવા માંગણી કરી છે